Електраната Salmisari произведуваше топлинска и електрична енергија за Хелсинки, а со нејзиното затворање ќе се намалат емисиите на стакленички гасови и ќе се запре растот на цените на електричната енергија.
Се проценува дека годишните емисии на јаглерод диоксид од електраната ќе се намалат за 50% во споредба со 2024 година, додека вкупните емисии во главниот град на Финска ќе паднат за 30%, се наведува во соопштението на енергетската компанија.
Нарекувајќи го овој потег „крај на ерата на јагленот“ и чекор кон почиста, самодоволна и подостапна енергија, компанијата посочи дека затворањето на електраната ќе значи и намалување на вкупните емисии на Финска за речиси 2% во однос на минатата година.
Сепак, компанијата ќе продолжи да чува резерви на јаглен во магацини и ќе ги користи „доколку биде неопходно“.
Финска во 2019 година донесе одлука за забрана на користење јаглен за производство на енергија, со важност од 1 мај 2029 година.
Од 2020 година наваму, капацитетот на енергија од ветер во земјата е повеќе од двојно зголемен, а денес една четвртина од електричната енергија се произведува токму од ветерници.
Извор: Bizlife.rs
